KHUTBAH JUM'AT (Bhs.Jawi) Ndidik Dzurriyah

اَلسَّلاَمُ عَلَيْكُمْ وَرَحْمَةُ اللّٰهِ وَبَركَاتُهُ

اَلْحَمْدُ لِلّٰهِ, اَلْحَمْدُ لِلّٰهِ الَّذِىْ جَعَلَ كُلَّ شَيْئٍ إِعْتِبَارًا لِّلْمُتَّقِيْنَ * وَجَعَلَ بَهْجَةً وَّسُرُوْرًا فِى قُلُوْبِ الْمُسْلِمِيْنَ* اَشْهَدُ اَنْ لاَ اِلهَ اِلاَّ اللّٰهُ وَحـْدَهُ لاَشـَرِيْكَ لَهُ، لَهُ الْمُلْكُ وَلَهُ الْحَمْدُ يُحْيِى وَيُمِيْتُ وَهُوَعَلَى كُلِّ شَيْئ ٍقَدِيْرٌ* وَاَشْهَدُ اَنَّ مُحَمَّدًا عَبْدُهُ وَرَسُوْلُهُ * اَللَّهُمَّ صَلِّ عَلَى سَيِّدِنَا مُحَمـَّدٍ سَيِّدِ اَفَْضلِ اْلاَنْبِيَاءِ وَالْمُرْسَلِيْنَ *وَعَلَى آلِهِ وَاَصْحَاِبه اَجْمَعِيْنَ* اَمَّا بَعْدُ، فَيَااَيُّهَا الْمُسْلِمُوْنَ، اِتَّقُوْا اللّٰهَ حَقَّ تُقَاتِه وَلاَتَمُوْتُنَّ اِلاَّوَاَنـْتُمْ مُسْلِمُوْنَ * قَالَ اللّٰهُ تَعَالىَ وَلْيَخْشَ ٱلَّذِينَ لَوْ تَرَكُواْ مِنْ خَلْفِهِمْ ذُرِّيَّةً ضِعَـٰفاً خَافُواْعَلَيْهِمْ فَلْيَتَّقُواْ اللّٰهَ وَلْيَقُولُواْ قَوْلاً سَدِيْداً

Kaum muslimin rahimakumullah.

Langkung rumiyin kula wasiat dumateng awak kula piyambak, ugi dumateng panjenengan sedaya, mangga tansah samiya ningkataken taqwa dumateng Allah swt. Kanti nambahi tawakal lan pasrah dumateng Allah swt.

Ugi ninda’aken sedaya printahipun lan nebihi sedaya awisanipun. Sehingga kita dados kawula ingkang tansah dipun ridlani dening Allah swt.

Para putra lan putri kita minangka harapan lan penerus sejarah kita supados anggadahi ilmu, soho keahlian langkung-langkung anggadahi budi pekerti ahlakul karimah menika mutlak kedah sami belajar kawruh agami lan tatakrami wonten ing bangkuning pasinaon. Jalaran kamulyan dunya lan akhirat punika mesti kanti lantaran kawruh lan ilmi.

Wondene ilmu punika namung saget dipun gayuh lantaran thalabul ilmi, lumantar pendidikan.

Pramila minangka tiang sepuh kita kedah anggadahi kawigatosan, malah kedah nggadahi raos kuatos dateng para putra wayah menawi ngantos kawontenanipun ringkih, lan lemah babagan aqidah lan pendidikanipun. Allah sampun paring dawuh :

وَلْيَخْشَ الَّذِيْنَ لَوْ تَرَكُوْا مِنْ خَلْفِهِمْ ذُرِّيَّةً ضِعٰفًا خَافُوْا عَلَيْهِمْۖ فَلْيَتَّقُوا اللّٰهَ وَلْيَقُوْلُوْا قَوْلًا سَدِيْدًا

“Lan supaya wong wong iku nduwe rasa kuwatir lamun pada ninggalake tedak turun kang pada ringkih, becik supaya kuwatir marang kabeh mau. Mula pada wedia ing Gusti Allah lan pada ngucapa kelawan ucapan kang becik”. (QS. An Nisa’ : 9)

Ampun ngantos tiang sepuh mboten nggatosaken pendidikan lan sesrawunganipun para putra wayah, ngumbar putra putri dados panji klantung mboten sekolah, mboten ngaji, mboten makarya, mboten anggadahi arah tujuan hidup, ngantos ngicalaken kesempatan ing usia belajar, namung nunggu datengipun usia tua, utawi nengga datengipun ajal.

Kaum muslimin rahimakumullah

Putra-putri kita, mboten cekap pinter kemawon, ananging pendidikan akhlak jauh lebih penting. Pramila pendidikan agami lan tata krami mutlak dipun betahaken dening para putra. Kita ampun nyalahaken tiang sanes menawi putra dados duraka lan lacut. Rasul paring dawuh.

كُلُّ مَوْلُودٍ يُوْلَدُ عَلَى الْفِطْرَةِ فَأَبَوَاهُ يُهَاوَدَانِهِ أويُمَاجِسَانِهِ أوْ يُنَاصَرَانِهِ الحدث

Kabeh bocah kang lahir, iku suci netepi ing ndalem pitrahe tumuli wong tua lorone sing ndadekake bocah mau yahudi, majusi, utawa nasrani.

Pramila prayogi pendidikan tentu kedah mempertimbangkan dateng keseimbangan dunia lan akhirat, awit kejawi kita nggayuh kemulyaan wonten akhirat, Kita tentu anggadahi harapan gesang ingkang sae, yuswa panjang lan barokah. Sahingga gesang kita :

“Sa’idun fiddunya wal akhirah” Beja dunya lan beja akhirat, nderek dawuhipun Rasulullah saw :

لآيؤمِنُ أحَدَكُمْ مَنْ تَرَكَ دُنْيَاهُ لاِخِرَتِهِ ولآأَخِرَتَهُ لِدُنْيَاهُ الحدث

Mboten sempurna iman setunggaling tiyang ingkang nilaraken dunyanipun kangge akhiratipun, lan mboten sempurna ugi piyantun ingkang ninggalaken akheratipun namung kagem dunianipun kemawon.

Mila mangga kita sedaya ngupadi pendidikan ingkang seimbang duniawi lan uhrawi, sejalan kalian nafas lan aqidah kita Ahlussunnah wal jama’ah, khususipun pendidikan ingkang magayutan kalian agami, samangke saget mikul duwur mendem jeru dateng tiyang sepehipun. Sahingga dados waladun shalihun yad’u lah, ugi dados tiyang ingkang sa’idun fiddunya wa sa’idun fil akhirah Amin ya rabbal ‘alamin.

Mekaten mugiya dados pemut dateng kita khususipun, lumeber dumateng masyarakat kaum muslimin. Amin ya rabbal ‘alamin.

بَارَكَ اللّٰهُ لِى وَلَكُمْ فِى اْلقُرْأَنِ اْلعَظِيْمِ وَنَفَعِنَي وَاِيَّاكُمْ بِمَافِيْهِ مِنَ اْلايَاتِ وَالذِّكْرِاْلحَكِيْمِ اَقَوْلُ قَوْلِى هَذَا وَاَسْتَغْفِرُ اللّٰهَ لِيْ وَلَكُمْ وَاسْتَغْفِرُوْهُ اِنَّهُ هُوَاْلغَفُوْرُالرَّحِيْمُ